យប់អាថ៌កំបាំង ភាគ២

អត្ថបទ

 

យប់អាថ៌កំបាំង
#ខាបព្រលឹងនាងចូលទៅក្នុងប្រអប់វ៉ែនតា
     មានវិធីណាឲ្យទឹកភ្នែកព្រៃអាចធ្វើដំណើរទៅជាមួយខ្ញុំបានទេ?​ ក៏ព្រោះសម័យបច្ចុប្បន្ន គេទំនើបរហូតមានរបស់ទំនើបៗពេញដៃគ្រប់ៗគ្នាទៅហើយនោះ ទឹកភ្នែកព្រៃមានដឹងទេ? សម័យប្រព័ន្ធឌីជីថលទំនើប មនុស្សដ៏ច្រើនស្អេកស្កះ ម្នាក់ៗសម្រុកកាន់តែឧបករណ៍ទំនើប ភាពទំនើបទាញចិត្តមនុស្សឲ្យប្រឹងរស់ក្នុងប្រជែងឥតឈប់ឈរទៅហើយ ខ្ញុំក៏ជាមនុស្សប្រជែងម្នាក់ដែរក្នុងចំណោមពួកគេ ប្រជែងនឹងដង្ហើមខ្លួនឯងដ៏សែនស្ងប់ស្ងាត់ មិនមែនប្រជែងឈ្លោះជាមួយអ្នកណា អ៊ីចឹងរឿងព្រលឹងអីហ្នឹង គេមិនសូវជឿ ឬក៏មិនជឿតែម្តង ដូចពេលនេះដូច្នោះដែរ បើខ្ញុំមិនបានចម្លើយពីទឹកភ្នែកព្រៃទេ ខ្ញុំថានឹងទឹកភ្នែកព្រៃជាមនុស្សកូនអ្នកភូមិក្បែរនេះ មិនមែនជាព្រលឹងនារីម្នាក់ ជាព្រលឹងអាចនិយាយជជែកជាមួយខ្ញុំទេ។ យើងទាំងពីររស់នៅភពផ្សេងគ្នាម្ខាងម្នាក់ហាក់ពិបាកណាស់ អាចនៅមានវេលាជែកជាមួយគ្នាបាននោះ មនុស្សរស់នៅឋានមនុស្សរីឯខ្មោចពិតគឺត្រូវរស់នៅឋានខ្មោចហើយ។ គិតចង់តែបន់ឲ្យទឹកភ្នែកព្រៃចាប់ជាតិឲ្យឆាប់ៗ ហើយនឹងអាលកំដរភាពសោការបស់ខ្ញុំនៅឋានមនុស្សទេ តែក៏នៅតែមិនត្រូវបើចាប់ជាតិពេលនេះ ក៏នៅគង់អាយុប្អូនខ្ញុំរហូតដល់ជាងពីរខ្សែដែរ ចាំយូរណាស់ទម្រាំទឹកភ្នែកព្រៃអាចចេះនិយាយ បើចេះនិយាយក៏មនុស្សទើបនិយាយមិនងាយយល់អារម្មណ៍មនុស្សធំពេញវ័យដែរ អ៊ីចឹងមិនល្អទេ។ ហ៊ឹម!! ស្មុគបាត់ទៅហើយ ថាមកពីស្មុគទើបមកអង្គុយទីនេះ ស្រូបយកភាពស្ងប់ស្ងាត់ មានឯណាខ្វល់រឿងមួយទៀតលើសដើម។ ទុកឲ្យខ្ញុំគិតបន្តិច ស្វែងរកវិធី ដើម្បីអាចធ្វើជាមិត្ត ហើយបន្តដំណើរក្បែរគ្នាបានរវាងមនុស្សនិងខ្មោចនោះ។